Четириесет и петгодишниот Фикрет Рожајац го убил својот 27-годишен зет, Армин Исламовиќ во Босна и Херцеговина.
Рожајац бил пијан кога по расправија со зетот, земал нож и го убил. Не бегал, веднаш ѝ се предал на полицијата во близина на местото на убиството.
Како што се дознава, полицајците и порано интервенирале поради расправии помеѓу нив двајца, само што овој пат расправијата завршила трагично.
Медиумите пренесуваат дека ова не е прв пат Рожајац да убие човек. Тој убил човек и претходно, поради што лежел во затвор. Имал дебело досие и привиден бил во повеќе наврати.
Неофицијално, жртвата исто така ѝ била позната на полицијата.
