Не добив гаранции дека ќе добиеме преговори, само гаранција дека методологијата се подготвува, која ќе биде нешто ново, вели претседателот Стево Пендаровски во Топ Тема.
– Можно е промената на методологијата да ги засегне и базичните европски договори, но крајниот рок кој јас си го поставувам себеси е март. Добивме одлука и дека нема да има политичка одлука подоцна од мај, рече тој. Во март чекаме да биде усвоена методологијата, која во моментов циркулира како нон пејпер и за чија содржина знаат неколку земји членки на ЕУ – вели Пендаровски.
Тој додаде дека средбата со Макрон траела 20 минути и објасни дека тоа е е доволно време поради набиената агенда која постои кај политичарите на самитите.
Пендаровски добил впечаток дека Макрон е необичен политичар, нестандарден, интелегентен и директен. Не заобиколува и не користи дипломатски речник, вели претседателот. Освен за методологијата, и за политичката одлука по нејзиното усвојување, Пендаровски добил гаранција и дека Макрон ќе ја посети нашата земја.
– Сакам јас да им објаснам на вашите граѓани која е мојата позиција. Немам намера да ви нудам алтернативно членство – му рекол Макрон на Пендаровски.
