Педесеттина комунални инспектори и редари ќе бидат следени со џи-пи-ес за Град Скопје да има увид во нивната работа. Со ова, градоначалникот Петре Шилегов смета дека ќе се спречат злоупотребите и лажните извештаи од инспекторите и ќе се засили контролата.
– Град Скопје планира инспекциските служби да ги опреми со ГПС со цел зголемување на нивната заштита, како и оптимизација на работата на инспекторатот и подобрување на ефикасноста. Процедурата е во тек и повеќе детали би биле познати по нејзиното завршување. Првично е предвидено со ГПС да бидат опфатени околу 50 комунални инспектори и редари – велат од Градот за Плусинфо.
Според првичните информации, џи пи есот ќе биде ставен во мобилните на инспекторите.
