Полицијата потврди дека рано изутринава, околу 6 часот, непознато лице се јавило на белградскиот аеродром и пријавило оти во авионот за Франкфурт има поставено бомба.
– Пилотот ни рече „земете си ги работите и излегувајте, имаме технички проблеми“ – рекол за „Курир.рс“ патник од летот.
Се истражува дали пријавата била лажна, а истовремено се бара и личноста која ја пријавила бомбата.
Патниците сѐ уште не се тргнати за Франкфурт, а „Луфтханза“, чиј авион бил спречен да полета поради дојавата, потврдила за 130 евакуирани патници.
