Холивудската актерка Памела Андерсон напиша отворено писмо до претседателот на Русија, Владимир Путин, во кое бара ослободување на китови заробени во близина на Нахотка во Приморскиот крај.
Андерсон, која е член на Советодавниот одбор на Меѓународниот фонд за благосостојба на животните (IFAW) го објави писмото на официјалната веб-страница на фондацијата со своето име.
– Ви пишувам во врска со китови, од кои 11 орки и 87 белуги, кои моментално се заробени во близина на Нахотка. Сакам и да се заблагодарам на руската Влада што превзема важни мерки за спречување на меѓународна продажба на вакви китови. Информирана сум оти Владата преземала иницијатива да ги ослободи овие величанствени битија и да ги врати во нивните води – напиша актерката.
Претходно во јавноста имаше информации дека китовите се незаконски фатени заради продажба во Кина и оти се чуваат во посебен центар.
ФОТО: EPA / Maxim Shipenkov, Profimedia
