Бирото за јавна безбедност заедно со Јавното обвинителство е во потрага на тие што ја направиле групата на инернет наречена „Јавна соба“ на која се споделувале експлицитни фотографии и видеа со порнографски елементи на малолетнички.
Групата „Јавна соба“ е креирана неодамна и за многу кратко време има голем број членови, потврди денеска премиерот Оливер Спасовски кој рече дека полицијата заедно со јавното обвинителство веќе покренале истрага за да се најде администраторот и членовите на групата.
Санела Шкриељ, дополнителна заменик министерка за труд и социјална политика упати апел до сите родители, чии што девојчиња биле изложени на таква содржина во таа група, да се обратат до центрите за социјална работа.
– Нашите стручни тимови стојат на располагање за психолошка помош и поддршка и советување. Исто така, ако се утврди дека и креаторите на групата се малолетници, центарот за социјална работа во соработка со МВР ќе си постапува во рамки на своите надлежности, а со Министерството за образование сме координирани и тие ќе си постапуваат преку своите стручни тимови во училиштата – вели дополнителната заменик министерка за труд и социјална политика.
