За вицепремиерот Бујар Османи нема ништо спорно во чекорот на играорците од Косово кои поставија албанско знаме на Самоиловата тврдина во Охрид, за што беа парично казнати. Според Османи, албанското знаме може да се постави било каде и тоа, според него, е дозволено со закон, јави ТВ21.
– Поставете го албанското знаме каде и да посакате, нема да имате проблеми – рече Османи во емисијата Клик Плус.
Во понеделникот четири членови на фолклорната група Арбераши од Косово поставија големо албанско знаме, со димензии 6 на 8 метри, на тврдината во Охрид.
Еден од нив, Ѓерѓ Пренкоцај, доби и плати казна од 1.100 евра и доби 5 години забрана за влез во Македонија.
Според Охридскиот суд, тој го нарушил јавниот ред и мир, бидејќи албанското знаме било поголемо на македонското. Судот одлучувал по барање на полицијата, односно Секторот за внатрешни работи (СВР) – Охрид.
По ослободувањето од полицијата, албанската новинска агенција „ИНА“ направи интервју со еден од приведените кој кажа дека и покрај казната, ова се албански територии.
