Владата не работи врз принцип на казни, туку во духот на соработка, кооперација, пријателство и разбирање. Постојат недоследности и грешки во однос на Законот за јазиците кои се трудиме да ги надминиме и поправиме, порача денеска на прес-конференција владиниот портпаролот Миле Бошњаковски.
Тој ова го кажа на денешната прес-конференција одговарајќи на новинарско прашање дали ќе следува казна за вицепремиерот задолжен за европски прашања Бујар Османи, бидејќи неодамна не сакал на новинарите да им одговори на македонски јазик кога ја промовирал Агенцијата за спроведување на Законот.
Османи во понеделникот имаше состанок во Владата со претставници на Меѓуресорската работна група за спроведување на Законот за употреба на јазиците и со директорот на Агенцијата за спроведување на Законот.
