Советниците од Советот на општина Куманово денеска на вонредна седница донесоа одлука за исплата на пари од Буџетот на Општина Куманово за хуманитарна помош за настраданото население од катастрофалниот земјотрес во општина Драч, Албанија.
Од буџетот на Општината за 2019 година ќе се исплатат 300.000 денари. Средствата ќе се искористат за набавка на прехранбени и санитарно-хигиенски производи кои ќе бидат донирани како хуманитарна помош за настраданото население од катастрофалниот земјотрес во збратимената општина Драч.
