Работник во рудник во Радовиш вчера починал од струен удар додека изведувал работи на трафостаница, информира МВР.
Полицијата соопшти дека станува збор за А.Р. (59) од село Воиславци.
Увид на местото извршиле јавен обвинител, трудов инспектор, инспектори од Државен инспекторат за електрика и опрема во рударството и екипа на Полициската станица Радовиш. По наредба на јавен обвинител, телото на починатиот било предадено на обдукција.
Се работи на расчистување на случајот, се наведува во соопштението од МВР.
