Во Кривичниот суд во Скопје денеска почна рочиштето во предметот на СЈО „Тендери“ што се однесува на изведување градежни работи на Музејот на македонската борба за државност и самостојност во Скопје.
На денешното рочиште треба да се слушаат „бомбите“, а адвокатите на одбраната побараа јавноста да биде исклучена поради заштита на приватноста.
Првообвинета во овој случај е поранешната министерка Елизабета Канческа-Милевска, која е присутна на денешното рочиште на кое треба да се сослушуваат аудио снимки кои се доказ во постапката.
Второ и трето обвинетите во овој случај биле членови на Комисијата за јавни набавки.
