Обвинителката Ивана Трајчевска на денешното рочиште за предметот „Рекет“ прикажа фискални сметки од 24 25 и 26 февруари кои покажуваат дека Бојан Јовановски и неговата мајка Јасминка за три дена потрошиле околу 150 илјади евра.
Трансакции имало во вредност од 3.605 евра, 890 евра, 9.880 евра, 675 евра, 9.570 евра, 5.800 евра, 7.980 евра, 9.915 евра, 7.865 евра, 1.440 евра, 2.535 евра, 14.820 евра, 14.965 евра, 10.430 евра, 26.800 евра, 6.680 евра…
На ова реагираше адвокатот на Боки 13 дека некои суми се повторуваат, а обвинителката објасни дека така било наведено во извештајот од МВР.
Обвинителката Вилма Русковска рече дека за три дена биле потрошени 148.036 евра.
Овие пари мајката и синот Јовановски ги трошеле на шопинг во Италија во февруари лани.
