Јавниот обвинител на Основното јавно обвинителство Скопје, Сашо Рајчев денеска на прес-конференција ќе презентира информации за текот на постапката во врска со автобуската несреќа кај село Ласкарци.
Во автобуската несреќа што се случи на 13 февруари годинава околу 17 часот во атарот на селото Ласкарци, скопско, загинаа 15 лица.
Автобусот на компанијата „Дурмо турс“ сообраќал на релација Скопје-Гостивар, со 51 патник, сите од Гостивар. Автобусот излетал од автопатот Тетово-Скопје и падна во провалија откако ја пробил заштитната ограда на автопатот.
На повредените веднаш им помогнаа мештани од Ласкарци и околината. За спасувањето беа мобилизирани комбиња на брзата помош од „Здравствен дом – Скопје“ и од приватните болници „Неуромедика“ и „Систина“.
Владата ги прогласи за ден на жалост 14 и 15 февруари. На 14 февруари во Гостивар се оддржа комеморативна седница за загинатите во автобуската несреќа, на која присуствуваа претседателот Ѓорѓе Иванов и премиерот Зоран Заев, и исто така била прогласена тридневна жалост на ниво на општината.
Photo: EPA / Frosina Novakovic
