Обвинителката Вилма Русковска изјави дека сѐ уште не утврдиле како протекол во јавноста дел од записникот од сведочењето на Јордан Камчев за случајот „Рекет“.
– Записници за сведоци, за лица од кои се бараат потребни известувања, не им се доставуваат. Пред завршувањето на истражната постапка кога ќе се донесе известување за завршена истрага, тогаш препис се дава и на одбраната и на осомничените – изјави Русковска на прашањето дали Камчев имал копија од записникот.
Викендов беше објавена првата страница од записникот од сведочењето на Камчев, по што премиерот Зоран Заев и неколку министри најавија тужби до медиуми.
