На Кејот на Вардар, во близина на Алпинистичката карпа, Општина Карпош постави нов парк за миленици.
Станува збор за голема површина, соодветно заградена и опремена со клупи за седење и корпи за отпадоци.
На неформална средба градоначалникот на Општина Карпош, Стефан Богоев, советниците Владимир Станивуковиќ и Филип Даскаловски, разговараа со граѓаните – сопственици на кучиња, кои секојдневно го минуваат слободното време во овој парк.
Граѓаните разменија мислења со градоначалникот за одржувањето на паркот, подигнувањето на свеста за односот кон животните, како и подготвеност за заедничко организирање на настани на оваа локација.
Овој дел од Карпош, полека прераснува во убава зона за спорт и рекреација. На овој потег веќе се постави и фитнес зона, во соработка со компанијата „Бимилк“, а целосниот изглед ќе се заокружи со изградбата на Адреналинскиот парк, проект подготвен од Секторот за развој при Општина Карпош.
