Министерот за надворешни работи Никола Димитров, на 24 и 25 мај 2018 год. (четврток и петок) во Њујорк, ќе се сретне со министерот за надворешни работи на Грција, Никос Коѕијас, соопшти Министерството за надворешни работи.
Средбата, како што е најавено, ќе се одржи со присуство на личниот пратеник на Генералниот секретар на Обединетите нации, Метју Нимиц.
За средбата информира и од грчкото Министерство за надворешни работи.
Интернет изданието на весникот „То вима“ сребата ја нарече последна шанса за договор.
– Оваа средба е од исклучиво значење и особено клучна за текот на преговорите. Можеби е и последна шанса за напредок по „бродоломот“ со името „Илинденска Македонија“ и враќањето на петте почетни имиња што ги достави Метју Нимиц. Секако, двете имиња што преовладуваат се Нова и Горна Македонија и веројатно разговорите ќе се движат околу овие сценарија -пишува „То вима“.
