Актерката Феј Данавеј, една од легендите на Холивуд, завчера го прослави 79-тиот роденден. Кариерата ја започнала во доцните 60-ти години, а најпозната е по улогата во филмот „Бони и Клајд“.
Улогата на Бони Паркер ѝ ја одбележа кариерата, а пред да добие чест да глуми во филмот, продуцентите размислувале за Шер, Ен-Маргрет, Тјуздеј Велд и Су Лајон за екранизација на тој филм. Данавеј е воедно една од само четирите дами кои во текот на кариерата добиле награда за најдобра и најлоша актерка.
Феј Данавеј доби Оскар за улогата во филмот „Мрежа“, а Златна малина за „Најдрагата мајка“. Освен на Феј, тоа ѝ успеало и на Сандра Булок, Лајза Минели и Хали Бери.
Феј била три пати номинирана за Оскар, а во текот на кариерата заработи и три Златни глобуси за своите телевизиски и филмски улоги. Сопственичка е на БАФТА и Еми награди и е прва добитничка на признанието „Леопард клуб“.
Најпознатата улога која Феј ја одбила е ликот на Сара во „Requiem For A Dream“. Улогата на крајот ја добила Елен Бурстин, која беше наградена и со Оскар за својот труд. Понудена ѝ била и улога во филмот „Џулија“, но и таа улога ја одбила, а Џејн Фонда која глумела наместо неа беше номинирана за Оскар за најдобра женска улога.
Таткото на Феј, Џон Мекдауел Данавеј Јуниор бил воено лице додека таа растела, а тоа резултирало со фактот дека целото детство го поминала селејќи се по САД и Европа.
Што се однесува до љубовниот живот, Феј била два пати во брак, а двата брака траеле помалку од шест години. Нејзиниот прв сопруг бил музичарот Питер Волф, а биле во брак од 1974 до 1979 година. Во 1983 година, Данавеј стапила во брак со британскиот фотограф Тери Онил, а се развеле во 1987 година.
Познатата убавица денес не личи на себе, а причина се бројните естетски корекции на кои таа се подложила.
