Еврокомесарот Јоханес Хан на претседателот на ВМРО-ДПМНЕ и на другите лидери им порачал дека станува збор за референдум за иднината на земјата и целата оваа ситуација не смее да се претвори во нешто што претставува политички настан.
– Ова не смее да се исполитизира, политичките партии треба да се воздржат од употребување на ова за партиски цели и секој да одучи за сопствените интереси. Не е време да се играат политички игри, тоа беше мојата порака кон сите лидери, тоа му го кажав и на премиерот. Важно е да се мотивираат сите да учествуваат и да го остварат своето демократско право. Би сакал колку што е можно повеќе граѓани да учествуваат на овој референдум зашто тоа е сигнал кон меѓународна дека луѓето го искористуваат своето право – рече Хан одговарајќи на новинарско прашање која е пораката која му ја пренел на Христијан Мицкоски и каков е неговиот став за ставот на ВМРО-ДПМНЕ граѓаните сами да одлучат како ќе постапат на 30 септември.
