Конечно, во раните утрински часови во Скопје беше извршено авионско прскање против комарци и истото ќе продолжи и утре наутро (сабота кон недела) ако се погодни временските услови.
„Доколку временските услови не го дозволуваат вршењето на дезинсекцијата, истата ќе се изврши првиот нареден ден кога ќе бидат поволни временските услови, во истиот термин. Ги потсетуваме пчеларите навремено да ги преземат потребните мерки за заштита на пчелите“, соопштија од Град Скопје.
Вчера беше завршена терестричната дезинсекција (прскање од копно) која се спроведуваше изминатата недела на територијата на градот Скопје.
