Независната пратеничка група од ВМРО ДПМНЕ и коалицијата За подобра Македонија, преку соопштение остро ги отфрли шпекулациите дека изборот на државен ревизор и други значајни прашања, е закочен поради нивното, како што велат, легитимно барање да ги добијат позициите кои им следуваат според Деловникот на Собранието.
„Воедно, ја информираме јавноста дека нашето барање е поднесено на последната седница на Комисијата за избори и именувања, а ревизорот не е избран веќе 2 години. Власта и опозицијата да нé манипулираат и да почнат да се однесуваат поодговорно и да не бараат изговори за својата неефикасност , туку да понудат решенија во интерес на граѓаните“, наведуваат осумте пратеници.
