Невообичаено: Се истопија две милијарди тони мраз за 24 часа

572
Photo: NASA/MARIA JOSE VINAS

Повеќе од 40 отсто гренландски мраз имал одреден степен на топење. Вкупното топење во текот на саботата се проценува на две милијарди тони, односно два кубни километри леден покривач, објави американската телевизиска мрежа Си Ен Ен.

Иако Грендланд е најголем остров на светот со големо количество мраз, многу е невообичаено толку многу мраз да се истопи во јуни. Сезоната на топење трае од јуни до август, а најголем дел се топи во јули.

Томас Мот, научник од Универзитетот во Џорџија, специјализиран за климата на Грендланд, изјави дека ненадејното зголемување во топењето мраз е невообичаено, но не е без преседан.

– Тоа може да се спореди со она што го забележивме во јуни 2012 година – истакна Мот, потсетувајќи дека тоа беше рекордна година кога целиот леден прекривач на Грендланд имаше одреден степен на топење, што се случило првпат откако се води евиденција.

Photo: NASA/MARIA JOSE VINAS

Преземањето на оваа содржина или на делови од неа без непосреден договор со редакцијата на Плусинфо значи експлицитно прифаќање на условите за преземање, кои се објавени тука.




loading...