Урбаната легенда вели дека убавите луѓе полесно минуваат низ сè во животот… Но, се чини дека ним на љубовен план, баш и „не им цветаат рози“.
Истражување на Универзитетот Харвард ги посочува причините зошто оние кои се сметаат за натпросечно убави, потешко остваруваат успешни и долготрајни врски.
Стручните лица појаснуваат дека тоа е така основна причина за тоа е што убавците и убавиците полесно пронаоѓаат партнер и релативно бргу влегуваат во врска. Но, честопати тоа и кусо трае поради „заканите однадвор”. Односно, тоа значи дека атрактивните луѓе едноставно имаат повеќе избор, па им е тешко да „се смират“ само со една личност.
При спроведувањето на ова истражување, научниците заклучиле дека ист е случајот и кај познатите и кај оние „обичните“ луѓе. Едноставно, поубавите се посклони кон авантури, но неретко се и сами.
