Деа Ѓурѓевиќ, водителката од утринската програма на српската телевизија „Пинк“ утринава во шест часот доживеала тешка соообраќајна несреќа, во која, како што пренесуваат српските медиуми, на новинарката ѝ е тешко повредена раката.
Таа најпрво имала сообраќајка со друго возило, а кога излегла од возилото да види колкава е штетата, наишол автобус кој ја изгубил контролата поради замрзнатата улица и удрил директно во неа, при што тешко ѝ ја повредил раката.
Екипите на Брза помош ја одвеле во Ургентен центар повредената новинарка и врз неа се врши тешка операција, соопштуваат српските медиуми.
Три екипи на Брза помош интервенирале на лице место, а во несреќата три лица се здобиле со тешки телесни повреди.
ФОТО: Printscreen RTS, Printscreen Prva TV, Printscreen Pink TV, Printscreen Instagram
