По веста за трагичната смрт на двете малолетни деца во Шуто Оризари, техничката
министерка за труд и социјална политика, Рашела Мизрахи во рамките на нејзините надлежности, испрати стручни лица на терен со цел навремено да се згрижуват семејствата чии домови изгореа, соопшти МТСП.
Како што е наведено во соопоштението, екипа на ЦРС Скопје направила увид на лице место, а на семејствата им било понудено сместување во рамките на објектите за поддржано живеење во Визбегово.
„Едно од семејствата ја прифати понудата и уште веднаш ќе биде сместено. Исто така, ќе обезбедиме и еднократна парична помош за семејствата, како и рефундирање на средствата за погребални услуги, за семејството на починатите“, пишува во соопштението.
