Судењето на седумте момчиња од Србија обвинети за убиството на Американецот на Закинтос продолжува, а пресудата се очекува на 22 ноември.
– На неговиот живот не можевте да влијаете, но на нивниот можете. Затоа ве молам да размислите без притисок бидејќи вие ја претставувате грчката држава – рекол адвокат на обвинетите Срби, обраќајќи му се на судот.
Тој додал дека на сите им е жал што животот на Хендерсон е завршен, но дека ниту обвинетите не се доведени во подобра ситуација.
Завршен збор дале адвокатите на неколку од обвинетите.
Биле анализирани докази, зошто и како започнал инцидентот, како и зошто Хендерсон бил повреден.
Одбраната тврдела дека никое од момчињата не сакало да му нанеси на Американецот повреда која ќе доведе до смрт.
Исто така, таа тврдела дека расправијата и тепачката не започнале заради селфито со келнерката, како што пренесувале медиумите во Грција и САД.
Покрај Србите, на обвинителската клупа се и еден Грк и еден Британец со потекло од Босна и Херцеговина.
За обвинетите се бара најстрога казна, а исто го очекувале и родителите на жртвата.
Извор: Блиц
ФОТО: ЕПА
