Интензитетот на сообраќај на патните правци надвор од градските средини изутринава е зголемен. Се бележи зголемена фреквенција на возила на граничниот премин Богородица каде времето на чекање за излез од државата е до 30 минути. На останатите гранични премини, од македонска страна, нема подолги задржувања за влез и излез од државата.
АМСМ информира дека од 14 до 17 август ќе се изведуваат градежни активности при поставување на индуктивни јамки на автопат А2, наплатна станица Глумово – Скопје, поради што ќе има промена на режимот на сообраќај.
