Ален Исламовиќ (62) во петокот го пропуштил концертот на „Бјело дугме“, во Ванкувер, но и во Торонто. Станува збор за два распродадени концерти на бендот, за кои се барало карта повеќе.
Пејачот од БиХ не бил во можност да полета со другите членови, поради проблемот со визата, а рано утрово пејачот се огласил преку Фејсбук за да објасни на обожавателите што навистина се случува и да им се извини на сите.
Пејачот разочаран се огласи преку социјалната мрежа Фејсбук, каде што ги извести своите обожаватели дека нема да биде дел од настапите на легендарниот бенд, кој одбележува 45-годишни од своето постоење.
„Порака до сите во Канада поради моето недоаѓање на концертите на „Бјело дугме“ во Ванкувер и Торонто. Денес светот е скроен од лаги каде што секоја надеж нема смисла, каде што едни се сметаат за важни, а други за неважни, каде што некои можат да имаат сè, а други ништо. Каде што дури и правата за живот се сметаат за ништожни. Ова е реалноста во која спаѓаме и ние уметниците и каде ни подметнуваат лавиринти, пречки и заседи. Уште еднаш изразувам длабоко жалење до сите кои со срце ќе дојдат на концертите“, порачал Исламовиќ преку својот Фејсбук-профил.
Многу обожаватели на бендот кои живеат во Канада не го криеле разочарувањето поради недоаѓањето на Исламовиќ.
FOTO: Printskrin/Fejsbuk
