Премиерката на Нов Зеланд, Џасинда Ардерн изјави дека најмалку 40 луѓе загинале во престрелка во две џамии, што се случи во градот Крајстчрч.
– Ова е еден од најтемните денови во историјата на Нов Зеланд. Она што се случи овде е досега невиден чин на насилство – истакна премиерката Ардерн.
Таа додаде дека повеќе од 20 лица се ранети, од кои повеќето со сериозни повреди.
По престрелката чeтири мажи и една жена се уапсени.
Претходно локалните медиуми јавија за 27 загинати и најмалку 30 ранети.
Полицијата потврди дека има „значителен“ број жртви, но не го прецизира нивниот број. Во соопштение наведува и дека откриле неколки импровизирани експлозивни направи оставени под автомобили.
Маж, кој презел одговорност за нападот, оставил антиимигрантски проглас на 74 страници, во кој објаснува кој е и какви се причините за нападот.
“It is clear that this can now only be described as a terrorist attack.”
New Zealand Prime Minister Jacinda Ardern speaks after confirming 40 people have been killed in shootings at two mosques in the city of Christchurch: https://t.co/1BrW3kZqw9 pic.twitter.com/r23XzR7s5q
— CNN (@CNN) March 15, 2019
