Најмалку 20 лица загинаа, а 40 луѓе се повредени во пожарот на главната железничка станица во Каиро, јави египетската државна телевизија.
Воз удри во бетонски блокови на крајот од платформата број 6, додека влегувал во станицата Рамсес во центарот на Каиро, по што дошло до експлозија и пожар.
Египетскиот премиер Мустафа Мадбули и министерот за социјална солидарност Гада Вали пристигнаа на местото по несреќата.
Мадбули соопшти дека е формиран технички комитет за да се утврдат одговорните за инцидентот.
– Нема да толерираме небрежност – истакна тој.
Главниот обвинител на земјата испрати тим на иследници да ја истражат несреќата.
Во Египет во последните години се случија неколку железнички несреќи.
Во јули 2018 година, 55 лица беа повредени кога воз излета од шини, јужно од Каиро. Во февруари, повеќе од 10 лица загинаа при судар на два воза во египетската провинција Бехеира.
Повеќе од 40 лица загинаа во август 2017 година во судар меѓу два патнички возови во крајбрежниот град Александрија.
Најголемата железничка несреќа во Египет се случи во 2002 година, кога се запали патнички воз, при што загинаа повеќе од 360 лица.
EGYPT: 24 dead, dozens injured in an explosion at a station in Cairo, Egypt pic.twitter.com/WMctq1vlJa
— Khalid khi (@khalid_pk) February 27, 2019
Fire at a train station in Cairo Egypt. Train collided with the station and burst into flames. At least 7 people confirmed dead. I won’t post the graphic images but you could see burned bodies laying on and near the tracks. Very tragic. pic.twitter.com/hCzJNzrY8y
— Mohamed K. Ateeq (@ATEEKSTER) February 27, 2019
ФОТО: Твитер
