![apsenje](https://arhiva.plusinfo.mk/wp-content/uploads/2018/03/apsenje-696x366.jpg)
Во четири различни атински населби, за помалку од половина час, непознати лица, на четири локации нападнале и нанеле штета на две канцеларии на Нова демократија и на две филијали на банки, а грчката полиција привела 25 лица, jави дописничката на МИА од Атина.
Од Нова демократија преку соопштение велат дека ова е петти пат, за неколку дена, нивните канцеларии да бидат мета на напади.
– Очигледно е дека Нова демократија нема да се исплаши од никој и ќе продолжи уште порешително со борбата против беззаконието за чувството на безбедност да се зајакне секаде – соопштуваат од грчката владејачка партија.