Кандидатот за градоначалник на Општина Охрид од редовите на ГДУ, Михаил Трендафилов-Нанче, заедно со претседателот на партијата, Петар Колев, и членови на Граѓанско Демократската Унија, денеска го посетија манастирот Св. Петка во Велгошти.
Нанче се сретна со голем број локални жители и разговараше со нив за основните проблеми со кои што се соочуваат.
Во разговорите Трендафилов истакна дека еден од основните негови приоритети е Општината да заживее, и освен традиционалниот, да се развива и верски, рурален и авантуристички туризам.Трендафилов ги праша мештаните колку од предизборните ветувања на претходните градоначалници на Охрид за развојот на Велгошти се исполнети. Локалните луѓе изјавија дека како и секогаш тие што дошле до градоначалничката фотелја ветувале многу, но речиси ништо не исполниле.
Велгошти исто како и сите останати населени места во охридско е под ударите на „белата чума“.
Претседателот на ГДУ, Петар Колев ,се заблагодари за гостопримството на велгоштани и потсети дека време е за промена, а не за замена. Во разговорите ја побара нивната поддршка на 21 април масовно да го заокружат бројот 4 за Михаил Трендафилов- Нанче.
