Дислокација на предвидената катна гаража, додавање на ново и задржување на постоечкото зеленило, проблемот со паркинзите, како и помалиот број на идни објекти беа главните забелешки на жителите на денешната презентација на предлог Деталниот урбанистички план Градска четврт И 04 „Даре Џамбаз“, соопшти Општина Центар.
Пред стручните служби од општината, како и пред претставници од топлфикационата мрежа „БЕГ“, ЈП „Водовод и канализација“ и Акционерското друштво за стопанисување со станбен и деловен простор, жителите од реонот на ДУП „Даре Џамбаз“ на денешната јавна презентација ги кажуваа своите идеи и забелешки за новиот изглед.
Предлог ДУП-от „Даре Џамбаз“ во изминатите денови, сѐ до петок е изложен на јавен увид во просториите на Урбаната заедница „Роберт Гајдик“, со што граѓаните можеа лично да го видат и своите забелешки да ги достават до општината и во форма на пополнет анкетен лист.
