Властите во Хонг Конг се обидуваат да воведат ред по вчерашните најжестоки судири во речиси четиримесечните антивладини немири, во кои полицијата пукаше во тинејџер демонстрант и уапси повеќе од 180 лица.
Во вчерашните немири се повредени повеќе од сто луѓе, соопштија болнички извори.
Меѓу повредените е и 18-годишен ученик кој бил застрелан во градите со вистински куршум. Неговата состојба е стабилна.
Вчерашните протести, на 70-годишнината од основањето на Народна Република Кина, имаа за цел да придонесат во борбата на активистите за поголема демократија на меѓународната сцена и да ги посрамотат политичките лидери во Пекинг.
ФОТО: EPA / VIVEK PRAKASH
