Рафаел Надал беше во одлично расположение по неговата победа денес на „Вимблдон“. Шпанецот денес немаше проблеми против австралискиот талент Алекс Де Минор и го победи со 6:1, 6:2, 6:4.
По успехот, Рафа зборуваше на теренот, откако сподели дека ќе оди да го гледа четвртфиналето од Светското фудбалско првенство меѓу Англија и Шведска. Шпанецот се појави на прес-конференција по завршувањето на натпреварот, кој Англичаните го освоија со 2:0.
Прашан дали сака повторување на финалето од пред 10 години, кога го победи Роџер Федерер во епскиот натпревар, Надал изјави дека Швајцарецот не е неговиот прв избор, ако треба да избира противник.
– Ако сум во финалето, претпочитам да се соочам со полесен ривал. Јас не сум глупав. Но, ако сум во финалето, тоа ќе биде одлична вест – одговори Рафа.
Со денешниот успех тој си обезбеди останување на првото место во светот.
– Се разбира, повеќе сакам да сум број 1, а не број 2, нема сомнежи во тоа. Мило ми е што ќе играм во втората недела и дека освоив три натпревари. Јас сум задоволен од начинот на кој играв првата недела – додаде Надал.
