Светскиот рекет број 2, Рафаел Надал изјави дека не придава преголемо значење на трите порази кои ги запиша на земја во последните недели. Надал обично доминира на турнирите пред почетокот на „Ролан Гарос“, но сезонава тој отпадна во полуфиналето во Монте Карло, Барселона и Мадрид, каде вчера беше поразен од Стефанос Циципас.
– Мислам дека она што се случува сега е понормално, отколку она што се случуваше во последните 14 години. Мислам дека имам доста тенис пред мене и ќе имам можност да ги освојам овие турнири, кои оваа година не успеав. Важно е да бидам здрав и да играм на високо ниво. Се уште ми остануваат два турнири на земја, па ќе видиме што ќе се случи таму – прокоментира Надал.
За Надал претстои учество на „Мастерсот“ во Рим, каде што ќе се сретне со Џереми Шарди или Ришар Гаске во првиот натпревар.
