Тренерот на Манчестер Јунајтед, Жозе Мурињо, пред натпреварот од петтата рунда од групната фаза на Лигата на шампионите против Јанг Бојс, истакна дека ова не е решавачки натпревар.
Сепак, тој сака тимот да игра како да е плеј-оф.
-Дури и ако не победиме, ние сѐ уште нема да зависиме од другите резултати. Ова не е одлучувачки натпревар. Но, сакам од првата минута да играме како ова да е последната шанса да ја поминеме групата. Сакам да заборавиме дека ќе имаме уште една шанса и да играме како да е плеј-оф – изјави Мурињо.
Натпреварот Манчестер Јунајтед – Јанг Бојс се игра вечерва од 21 часот.
На табелата во Х-групата води Јувентус со девет бода, Манчестер е втор со 7, Валенсија има пет, Јанг Бојс 1.
