Во вторник Комисијата за заразни болести ќе одлучи дали ќе прогласи епидемија од морбили на целата територија на Македонија.
Епидемијата е во полн ек, покажуваат и последните податоци според кои за само една недела има нови 126 заразени кои се пријавени во Институтот за јавно здравје на РМ, со што вкупната бројка на заболени достигна 960. Вирусот се прошири и меѓу здравствените работници меѓу кои има повеќе од 100 заболени, а освен медицински сестри, се инфицираа и матични лекари, специјализанти и друг кадар. Од морбили заболе и економскиот директор на Детска клиника.
