Напаѓачот на Атлетико Мадрид – Алваро Мората, зборуваше пред дуелот со Јувентус во Лигата на Шампионите, за „ТВЕ“ изјави дека сака неговиот прв гол да биде пред навивачите на „јорганџиите“.
– Сакам да постигнам гол и да се израдувам пред нашите фанови. Сакам мојот прв гол да биде пред навивачите на Атлетико – тој ќе биде во нивна чест, изјави Мората.
Тој смета дека треба да направат сѐ за да ја сопрат ѕвездата на „бјанконерите“ Кристијано Роналдо пред утрешниот меч.
– За Јувентус Роналдо е најважниот играч – за нас Гризман. Треба да се потрудиме да го спречиме. Ќе биде како финале за нас, рече уште Шпанецот.
