Момче од Струмица синоќа се повреди откако со мопед удри во бетонски ѕид од куќа.
Полицијата соопшти дека несреќата се случила во Струмица на улицата Цветан Димов, а тринаесетгодишникот кој возел нерегистриран мопед изгубил контрола над мопедот и удрил во бетонски ѕид од куќа.
Во незгодата момчето кое е од село Сарај струмичко тешко е повредено и пренесено во Скопје во Комплекс клиники „Мајка Тереза”.
Полицијата извршила увид на местото на настанот.
