Дваесет и двегодишно момче од Кавадарци вчера починало, откако паднало во неговиот дом. Неговата мајка повикала Брза помош, и од страна на лекар била констатирана смрт.
Вчера во 14 часот во СВР Велес, 46-годишната С.Ѓ. од Кавадарци пријавила дека во семејната куќа на улица Страшо Пинџур во Кавадарци, нејзиниот син 22-годишниот Н.Ѓ. од Кавадраци паднал, по што била повикана Итна медицинска помош од Општата болница Кавадарци и од страна на лекар е констатирана смрт, без траги на насилство, информира МВР.
Увид на местото на настанот извршиле увидна екипа од полициската станица Кавадарци и јавен обвинител, по чија наредба телото е предадено на обдукција.
