Момчето на Бритни Спирс, Сем Ашгари, одговараше прашања од фанови на Инстаграм, а одговорот на едно од прашањата отвори рани од минатото, пренесува „E! News“.
– Која Кристина? – одговори Ашгари на прашање „Бритни или Кристина?“.
Ѕвездите беа споредувани на почетокот од нивните кариери, а нивни фанови водеа и војни за тоа која од нив е подобра и поуспешна.
– Јас бев повредена од рекламите на Ем-Ти-Ви, каде Бритни Спирс беше прикажана како добрата девојка, а јас како лошата. Во ред е ако изгледаш невино и кревко. Но, ако се обидуваш да бидеш таква каква што си, тогаш си проблематична – изјавила Агилера за „Космополитан“ пред неколку месеци.
Агилера додала дека би сакала да испие кафе со Спирс бидејќи „тоа би било многу забавно, после сите овие години“.
ФОТО: Инстаграм
