Во вчерашниот пожар во Министерството за правда е направена материјална штета и изгорени се документи од Секторот за меѓународна правна помош.
Во таа архива се чувала и целосната документација во случајот со бегалците Горан Грујевски и Никола Бошковски, кои се наоѓаат во притвор во Грција и се чека на одлука за екстрадиција.
„Една од зафатените канцаларии е Секторот за меѓународна правна помош, заедно со дел од архивата. Не знаеме колку материјали се уништени, ниту кои документи. Во овие простори се работат и се чуваат и екстрадиционите предмети. За среќа и да се уништени пишаните документи, тие дополнително се чуваат во електронска форма во компјутерскиот систем на министерството“, изјавиле од министерството за телевизијата Телма.
Во овој сектор се воделе и сите постапки поврзани со Интерпол. Од МВР истражуваат кои се причините за настанување на пожарот.
