Претседателот на ВМРО-ДПМНЕ, Христијан Мицкоски вчера присуствуван на изборната конвенција на Словенечката демократска партија на Јанес Јанша во Цеље, каде има и свое обраќање.
Покрај Мицкоски, гости бие и унгарскиот премиер Виктор Орбан и лидерот на Европската Народна Партија во Европскиот Парламент, Манфред Вебер.
Во своето обраќање Мицкоски пред присутните истакна дека настанот на кој се обраќа е предвесник на промените кои ќе се случат во пријателска Словенија и регионот.
– На овие избори граѓаните ќе одлучуваат која патека да се избере. Јас сум убеден дека Словенците ќе ја изберат вистинската, патеката на стабилност и подобар живот. Посветли денови доаѓаат. Словенија ќе биде промената која Европа чека да ја види. Словенија ќе го означи почетокот на промените во регионот и поразот на владите кои не работат и не придонесуваат ништо за граѓаните – истакна Христијан Мицкоски.
Тој посочи дека за да се случат тие промени од најголема важност е да се даде понуда која ќе овозможи подобар живот на сите Словенци, понуда која ќе отвори нови перспективи и ќе изгради подобра иднина за сите и за регионот во целина.
– Секогаш може да биде подобро, Словенија заслужува подобро. На граѓаните им е потребен економски раст, перспективи и извесна иднина. Силни индвидуи кои ќе предводат и ќе овозможат шанси за сигурен напредок е она што им е потребно на граѓаните – изјави претседателот на ВМРО-ДПМНЕ.
Тој посочи дека Јанес Јанша го има најдобриот тим и дека неговиот стремеж е Словенија која гради мостови, која станува повторно силна, Словенија која е отворена кона Светот и има силни пријателства.
