Ќе имам можност за неколку часа од сега да му кажам на господинот Рикер кој игра политички игри и детално да го образложам тоа. А господинот Рикер, како искусен дипломат, слушајќи ги двете страни се надевам ќе донесе правилна одлука, рече Христијан Мицкоски на денешната прес конференција како одговор на новинарско прашање.
Според Мицкоски, Рикер во ниту еден момент не рекол дека опозицијата треба да се однесува по принципот земи или остави.
– Искусни дипломати не размислуваат како Заев кој сака да наметне едноумие. Не постои друга поконструктивна улога на опозицијата од таа што ја игра ВМРО-ДПМНЕ, потребно е да се отвори прашањето дали Владата е конструктивна – рече Мицкоски.
