Актуелната политичка состојба во државата, стратешките цели на Македонија, нашата европперспектива, претстојните парламентарни избори и проблемите со кои се соочува нашата државата на патот кон Унијата, биле темите за кои разговарале претседателот на ВМРО-ДПМНЕ Христијан Мицкоски и еврокомесарот за соседска политика и преговори за проширување на Европската Унија, Оливер Вархеји.
– Мицкоски истакна дека приоритет на новата влада предводена од ВМРО-ДПМНЕ ќе биде остварувањето на стратешката цел и сонот на многу генерации, а тоа е членството во Европската Унија. Тој посочи дека ВМРО-ДПМНЕ има визија и план како државата да ја стави на брзата трака за членство во Унијата и притоа да ги спроведе клучните реформи за остварување на оваа цел. Претседателот на ВМРО-ДПМНЕ потенцираше дека владата предводена од СДСМ доживеа неуспех на полето на реформите и доближување на државата до европскиот стандард. Тој напомена дека клучен проблем со кој се соочува Република Македонија е криминалот и корупцијата кои се најистакната во највисоките ешалони од власта и дека до ден денес голем број на корупциски афери немаат правна разрешница, што пак се аргумент за оние кои се противат на проширувањето на Унијата, соопшти партијата.
Мицкоски на Вархеји му се заблагодарил за поддршката која ја дава за членството на Република Македонија во Европската Унија и нејзиното проширување, притоа додал дека патот кон просперитетен и успшен регион води преку Брисел и членството во Европската Унија.
Што се однесува на предвремените парламентарни избори, соговорниците се согласија дека демократскиот и фер изборен циклус на кој граѓаните слободно ќе ја изразат својата волја е клучен за иднината на нашата држава и како и за нашата европерспектива.
