Христијан Мицкоски, лидерот на ВМРО-ДПМНЕ, по завршувањето на седниците на Извршниот и на Централниот комитет побара неотповиклива оставка од Зоран Заев и формирање на техничка влада со траење од 100 дена.
– Утре пратеничката група на ВМРО-ДПМНЕ ќе поднесе барање за распуштање на Собранието, техничка влада и иницијатива за распуштање на предвремени парламентарни избори на исти трошок со претседателските избори. Следните неколку дена нека одлучи СДСМ па да видат граѓаните кој бара избори, а кој моли Бога да не ги добие. Македонија никогаш не била толку поделена, општеството се наоѓа во најтешка ситуација – рече Мицкоски пред седиштето на ВМРО-ДПМНЕ.
Toj нагласи дека ќе инсистира техничката влада да се формира по Пржинскиот модел, односно 100 дена пред изборите, и додаде дека не е подготвен на компромиси за тоа прашање.
СДСМ во петокот не донесе одлука дали ќе оди на предвремени парламентарни избори заедно со претседателските и ставот го одложи кон средината на февруари.
