Во што е разликата помеѓу рекламирањето на вМРО-ДПМНЕ кога беше власт и вашето рекламирање деновиве по телевизиите, а ветувавте дека нема да трошите пари за реклами. На телевизија одат реклами со потпис на СДСМ и дали е точно дека тоа чини неколку стотици илјади евра, праша шефот на пратеничката група на ВМРО-ДПМНЕ Никола Мицевски на седницата за пратенички прашања.
– Целосно покажување на економсските успеси се рекламите. Што е различно од тоа што ние го правевме, вие сте само бледа копија на ВМРО-ДПМНЕ – рече Мицевски.
Премиерот му рече дека ВМРО-ДПМНЕ на телевизиите се промовирало преку народни пари, додека пак СДСМ сега троши партиски пари кога се рекламира.
– 50 милиони евра потрошивте државни пари од буџетот. Ние трошиме партиски пари. Има разлика и тоа голема. Правите воедначеност со некакво си поранешно ВМРО-ДПМНЕ, со кое поранешно, на Влатко Ѓорчев, на Антонијо Милошоски, на Трајко Вељановски, на Христијан Мицкоски, на Никола Мицевски? Не, ние трошиме од партиската каса на СДСМ, која се финансира од чланарини и од она што ни следува од државниот буџет – одговори премиерот.
