Дваесет и петгодишна девојка од Зрењанин починала на 25 август, откако претходно и се слошило во популарна кафеана.
Според вработените, таа била гостинка на моминска вечер.
– Беа во градината, а таа беше весела, се забавуваше, но одеднаш падна. Келнерите веднаш ја изнесоа, а нашата колешка повика Брза помош, која се појави за околу седум минути. Девојката не пиеше алкохол, ами само вода. Дури нејзините другарки коментираа дека водела здрав живот, била вегетаријанец – рекле од кафеаната, пренесува „Курир.рс“.
Според нивните сознанија, во крвта на девојката не е пронајден ниту алкохол, ниту наркотици.
– Беше жива додека беше во нашиот локал, не е вистина дека почина тука. Во три и пол по полноќ се случи инцидентот, а таа починала околу 11 часот – додале соговорниците на медиумот.
Не се знаело дали е во прашање срцето, мозокот или нешто трето.
Се чека обдукцијата да ја покаже точната причина за смртта.
