Според релевантни извори од МНР не постои уредно архивиран записник од советниците Бојан Маричиќ и Дане Талески од првиот разговор на Заев со лажниот Порошенко (август 2018та). Но, дали Заев ја говори вистината или ги манипулирал новинарите, наскоро ќе дознаеме, преку обврската на премиерот и министерот за надворешни да одговорат на пратеничко прашање, пишува пратеникот Антонио Милошоски на Фејсбук кој за последната јулска собраниска седница подготви две пратенички прашања за разговорот на Заев со руските мајтапџии.
Едното прашање на пратеникот е до премиерот Зоран Заев, а другото до министерот за надворешни работи Никола Димитров.
