Заев денес се обиде невешто да демантира, но добро е што призна дека бил во комуникација со адвокатот на рекетарката Катица Јанева. Сега е уште побитно да одговори на неколку прашања, му одговори преку Фејсбук пратеникот Антонијо Милошоски на премиерот Зоран Заев кој изјави дека пратеникот лажел кога рекол дека премиерот на лидрската кажал дека Катица Јанева за десет дена од притвор ќе оди во домашен притвор.
-Прво, во кое својство премиер на држава, кој не ни обвинител, ни судија, во екот на најголемиот скандал на правосудството во историјата на Македонија, е во контакт баш со адвокатот на осомничената рекетарката и зошто со неа разговарале за мерките за обезбедување притвор или куќен притвор за Катица Јанева?
Второ, од каде доаѓа потребата на адвокатката Ирена Фрчкоска да го извести токму премиерот Заев за тоа кои чекори ќе ги превземе осомничената Катица Јанева?
И трето, дали оваа блиска координација на адвокатката и премиерот е во улога на „консилиере” на групата за “Рекет” и кој е тука главниот, напиша Милошоски.
